ಸನ್ಮಾರ್ಗ ವಾರ್ತೆ
ನವ ದೆಹಲಿ,ಮೇ.8: ಯುಎಸ್ ಮೂಲದ ಖಾಸಗಿ ಇಕ್ವಿಟಿ ಸಂಸ್ಥೆಯಾದ ವಿಸ್ಟಾ ಇಕ್ವಿಟಿ ಪಾರ್ಟ್ನರ್ಸ್ ಕಂಪೆನಿಯು ರಿಲಾಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಆರ್‌ಐಎಲ್) ಡಿಜಿಟಲ್ ಪ್ಲಾಟ್‌ಫಾರ್ಮ್ ಜಿಯೋ ಪ್ಲಾಟ್‌ಫಾರ್ಮ್‌ನಲ್ಲಿ ಶೇ 2.32 ರಷ್ಟು ಪಾಲನ್ನು 11,367 ಕೋಟಿ ರೂ ಖರೀದಿಸಿದೆ.
ಜಿಯೋ ಪ್ಲಾಟ್‌ಫಾರ್ಮ್‌ಗಳ ಈಕ್ವಿಟಿ ಮೌಲ್ಯದಲ್ಲಿ 4.91 ಲಕ್ಷ ಕೋಟಿ ರೂ. ಮತ್ತು ಉದ್ಯಮ ಮೌಲ್ಯ 5.16 ಲಕ್ಷ ಕೋಟಿ ರೂ.ಯ ಆಧಾರದ ಮೇಲೆ ಈ ಪಾಲಿನ ಮೊತ್ತವನ್ನು ನಿರ್ಣಯಿಸಲಾಗಿದೆ ಎಂದು ಅಧಿಕೃತ ಹೇಳಿಕೆಯಲ್ಲಿ ನೀಡಲಾಗಿದೆ. ವಿಸ್ಟಾ, ರಿಲಯನ್ಸ್ ಜಿಯೋದಲ್ಲಿ ಪಾಲನ್ನು ಖರೀದಿಸಿದ ಎರಡನೇ ಪ್ರಮುಖ ಕಂಪನಿಯಾಗಿದೆ.
ವಿಸ್ಟಾವನ್ನು ಪ್ರಮುಖ ಪಾಲುದಾರನಾಗಿ ಸ್ವಾಗತಿಸಲು ನನಗೆ ಸಂತೋಷವಾಗಿದೆ ಎಂದು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಅಧ್ಯಕ್ಷರು ಮುಖೇಶ್ ಅಂಬಾನಿ ಹೇಳಿದರು. ವಿಸ್ಟಾ ವಿಶ್ವದಾದ್ಯಂತ ಅತಿದೊಡ್ಡ ವಿಶೇಷ ಟೆಕ್ ಹೂಡಿಕೆದಾರರಲ್ಲಿ ಒಬ್ಬರಾಗಿದ್ದು, ನಮ್ಮ ಇತರ ಪಾಲುದಾರರಂತೆ ವಿಸ್ಟಾ ಕೂಡ ನಮ್ಮೊಂದಿಗೆ ಅದೇ ದೃಷ್ಟಿಯನ್ನು ಹಂಚಿಕೊಳ್ಳುತ್ತಾರೆ.
ಎಲ್ಲ ಭಾರತೀಯರ ಅನುಕೂಲಕ್ಕಾಗಿ ಭಾರತೀಯ ಡಿಜಿಟಲ್ ಪರಿಸರ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸುವ ಮತ್ತು ಪರಿವರ್ತಿಸುವ ದೃಷ್ಟಿ ತಂತ್ರಜ್ಞಾನದ ಪರಿವರ್ತಕವು ಉತ್ತಮ ಭವಿಷ್ಯದ ಕೀಲಿಯಾಗಲಿದೆ ಎಂದು ಅವರು ಈ ಸಂದರ್ಭದಲ್ಲಿ ಹೇಳಿಕೊಂಡಿದ್ದಾರೆ.
