ಸನ್ಮಾರ್ಗ ವಾರ್ತೆ
ಅಕ್ಟೋಬರ್ 7 ರಂದು ಹಮಾಸ್ ಇಸ್ರೇಲ್ ಮೇಲೆ ಮಾಡಿದ ದಾಳಿಯು ಇಸ್ರೇಲ್-ಪ್ಯಾಲೆಸ್ಟೀನ್ ಸಂಘರ್ಷದ ಜಾಗತಿಕ ದೃಷ್ಟಿಕೋನ ಮತ್ತು ಗ್ರಹಿಕೆಯನ್ನು ಸಂಪೂರ್ಣವಾಗಿ ಬದಲಾಯಿಸಿದೆ ಎಂದು ದೆಹಲಿ ಅಲ್ಪಸಂಖ್ಯಾತ ಆಯೋಗದ ಮಾಜಿ ಅಧ್ಯಕ್ಷ ಡಾ. ಜಫರುಲ್ ಇಸ್ಲಾಂ ಖಾನ್ ಹೇಳಿದ್ದಾರೆ.
JIH ಪ್ರಧಾನ ಕಛೇರಿಯಲ್ಲಿ ಪ್ಯಾಲೆಸ್ಟೀನ್‌ನ ಪ್ರಸ್ತುತ ಸನ್ನಿವೇಶ ಮತ್ತು ಭವಿಷ್ಯದ ಕುರಿತು ಸಾರ್ವಜನಿಕ ಸಭೆಯಲ್ಲಿ ಮಾತನಾಡಿದ ಡಾ. ಖಾನ್, ಪ್ಯಾಲೆಸ್ಟೀನ್‌ನಲ್ಲಿ ಯಹೂದಿಗಳ ವಸಾಹತು ಮತ್ತು ಇಸ್ರೇಲ್-ಪ್ಯಾಲೆಸ್ಟೀನ್ ಸಂಘರ್ಷದ ಹಿಂದಿನ ಐತಿಹಾಸಿಕ ಬೆಳವಣಿಗೆಯ ಕುರಿತು ಬೆಳಕು ಚೆಲ್ಲಿದರು.
ಡಾ. ಖಾನ್ ಪ್ರಕಾರ, ಹಮಾಸ್ ನೆಲವನ್ನು ಕಳೆದುಕೊಳ್ಳುತ್ತಿದೆ ಎಂದು ತೋರುತ್ತದೆ. ಆದರೆ, ಹಮಾಸ್ ಹಾನಿ ಮತ್ತು ಜೀವಹಾನಿಯ ಬಗ್ಗೆ ಗಂಭೀರವಾಗಿ ಪರಿಗಣಿಸಿದ್ದು ಮಿಲಿಟರಿಯಾಗಿ ಅದು ಎಂದಿನಂತೆ ಪ್ರಬಲವಾಗಿದೆ ಎಂದವರು ಹೇಳಿದರು. ಹಮಾಸ್ ಯಾವುದೇ ಒತ್ತಡಕ್ಕೆ ಅಥವಾ ಶರಣಾಗತಿಗೆ ಮಣಿಯುವುದಿಲ್ಲ. ಶಸ್ತ್ರಾಸ್ತ್ರಗಳು, ಮದ್ದುಗುಂಡುಗಳು ಮತ್ತು ಮಿಲಿಟರಿ ಬಲವು ಅವರ ಬಳಿ ಇನ್ನೂ ಹಾಗೇ ಇದೆ. ಹಮಾಸ್ 1,000 ಕ್ಕೂ ಹೆಚ್ಚು ಇಸ್ರೇಲಿ ಟ್ಯಾಂಕ್‌ಗಳನ್ನು ನಾಶಪಡಿಸಿದೆ ಮತ್ತು ಗಾಜಾಕ್ಕೆ ಪ್ರವೇಶಿಸುತ್ತಿರುವ ಇಸ್ರೇಲ್ ಸೈನಿಕರನ್ನು ಕೊಲ್ಲುವುದನ್ನು ಮುಂದುವರೆಸುತ್ತಿದೆ.
ಸಂಘರ್ಷದಲ್ಲಿ ನೇರವಾಗಿ ಭಾಗವಹಿಸಲು ಅಮೆರಿಕವನ್ನು ಮನವೊಲಿಸಲು ಇಸ್ರೇಲ್ ಸಾಧ್ಯವಿರುವ ಎಲ್ಲವನ್ನೂ ಮಾಡುತ್ತಿದೆ.
ಐತಿಹಾಸಿಕವಾಗಿ, ಪಾಶ್ಚಿಮಾತ್ಯ ಜಗತ್ತು ಇಸ್ರೇಲನ್ನು ಅತ್ಯಂತ ಶಕ್ತಿಶಾಲಿ ದೇಶವನ್ನಾಗಿ ಮಾಡಲು ಎಲ್ಲವನ್ನೂ ಮಾಡಿದೆ. ಇರಾನ್, ಹಮಾಸ್, ಹೌತಿಗಳು ಮತ್ತು ಹಿಜ್ಬುಲ್ಲಾದಂತಹ ಶಕ್ತಿಗಳ ಉದಯವನ್ನು ಪಶ್ಚಿಮವು ಎಂದಿಗೂ ನಿರೀಕ್ಷಿಸಿರಲಿಲ್ಲ.
ಎರಡು-ರಾಜ್ಯ ಪರಿಹಾರದ ಕುರಿತಾದ ಪ್ರಶ್ನೆಗೆ ಪ್ರತಿಕ್ರಿಯೆಯಾಗಿ, ಡಾ. ಖಾನ್ ಇದನ್ನು “ಕ್ಷುಲ್ಲಕ ಘೋಷಣೆ” ಎಂದು ಅಭಿಪ್ರಾಯ ಪಟ್ಟರು. ಇಸ್ರೇಲ್ ಮತ್ತು PLO ನಾಯಕ ಯಾಸಿರ್ ಅರಾಫತ್ ನಡುವಿನ ಓಸ್ಲೋ ಒಪ್ಪಂದವನ್ನು ಅವರು ಈ ಸಂದರ್ಭದಲ್ಲಿ ನೆನಪಿಸಿದರು. ಇಸ್ರೇಲ್ ಮತ್ತು ಯುಎಸ್ ಎಂದಿಗೂ ಅದನ್ನು ಗಂಭೀರವಾಗಿ ಸ್ವೀಕರಿಸಲಿಲ್ಲ ಮತ್ತು ಅದನ್ನು ಕಾರ್ಯರೂಪಕ್ಕೆ ತರುವುದಿಲ್ಲ.
ಎರಡು-ರಾಜ್ಯ ಪರಿಹಾರದಲ್ಲಿ ಪ್ಯಾಲೆಸ್ಟೀನಿಯನ್ನರಿಗೆ ಯಾವುದೇ ಸಾರ್ವಭೌಮತ್ವ ಇರುವುದಿಲ್ಲ. ಸರಿಯಾದ ಮಿಲಿಟರಿ ಬಲ ಇರಬಾರದು ಎಂಬ ಷರತ್ತಿನೊಂದಿಗೆ ಇರುತ್ತದೆ ಎಂದು ಅವರು ವಾದಿಸಿದರು. ಇಸ್ರೇಲ್ ಸಂಕಷ್ಟದಲ್ಲಿ ಸಿಲುಕುವಾಗ ಎರಡು-ರಾಜ್ಯ ಪರಿಹಾರದ ಬಗ್ಗೆ ಮಾತನಾಡುತ್ತದೆ. ಆದರೆ ವಾಸ್ತವದಲ್ಲಿ, ಅವರು ಅದನ್ನು ಬೆಂಬಲಿಸಲು ಏನನ್ನೂ ಮಾಡುವುದಿಲ್ಲ ಎಂದು ಡಾ. ಖಾನ್ ಪ್ರತಿಪಾದಿಸಿದರು.
ಇಸ್ಮಾಯಿಲ್ ಹನಿಯ್ಯ ಹತ್ಯೆಯ ಪಿತೂರಿ ಸಿದ್ಧಾಂತಗಳನ್ನು ಅವರು ನಿರಾಕರಿಸಿದರು. ಇರಾನ್ ಕಡೆಯಿಂದ ಪಿತೂರಿ ಅಥವಾ ವೈಫಲ್ಯ ನಡೆದಿದೆ ಎಂಬುದನ್ನು ಅವರು ನಿರಾಕರಿಸಿದರು. ಪ್ಯಾಲೆಸ್ಟೀನ್‌ನ ಹೊರಗೆ ಇಸ್ರೇಲ್ ಫೆಲೆಸ್ತೀನ್ ನಾಯಕರನ್ನು ಹತ್ಯೆ ಮಾಡುತ್ತಿರುವುದು ಇದೇ ಮೊದಲಲ್ಲ. ಈ ಬಗ್ಗೆ ಇರಾನ್‌ನತ್ತ ಬೆರಳು ತೋರಿಸುವುದು ಸರಿಯಲ್ಲ.
ಪ್ಯಾಲೆಸ್ಟೀನ್‌ನ ಭವಿಷ್ಯದ ಬಗ್ಗೆ ಹೇಳುವುದಾದರೆ, ಇಸ್ರೇಲ್ ಅಸ್ತಿತ್ವಕ್ಕೆ ಬಂದ ಬೆಲ್‌ಫೋರ್ಡ್ ಘೋಷಣೆಯು ಈಗ ಮುಗಿದಿದೆ. ಯಾವುದೇ ಯಹೂದಿ ಆಳ್ವಿಕೆಯು 80 ವರ್ಷಗಳಿಗಿಂತ ಹೆಚ್ಚು ಕಾಲ ಉಳಿಯಲಿಲ್ಲ ಎಂಬ ಕಳವಳ ಇಸ್ರೇಲ್ ನಲ್ಲಿದೆ. ಇಸ್ರೇಲ್ ಈ ಮೈಲಿಗಲ್ಲನ್ನು ತಲುಪಲು ಕೇವಲ ಐದರಿಂದ ಆರು ವರ್ಷಗಳು ಉಳಿದಿವೆ.
ಸೂರಾ ಅಲ್-ಇಸ್ರಾವನ್ನು ಉಲ್ಲೇಖಿಸಿದ ಡಾ. ಖಾನ್, ಇಸ್ರೇಲ್ ಒಂದು ದಿನ ಸೋಲಿಸಲ್ಪಡುತ್ತದೆ ಮತ್ತು ನಾಶವಾಗುತ್ತದೆ ಎಂದು ಹೇಳಿದರು. ಖುರಾನ್‌ನ ಉಲ್ಲೇಖ ಖಂಡಿತವಾಗಿಯೂ ಸಂಭವಿಸುತ್ತದೆ; ಪ್ಯಾಲೇಸ್ಟಿನಿಯನ್ ರಾಜ್ಯವು ಸ್ವತಂತ್ರವಾಗುತ್ತದೆ. ಜನರು ಹಿಂದಿನಂತೆಯೇ ಮಸ್ಜಿದ್ ಅಲ್-ಅಕ್ಸಾವನ್ನು ಪ್ರವೇಶಿಸುತ್ತಾರೆ.
Source: Radiance Weekly
