ಸನ್ಮಾರ್ಗ ವಾರ್ತೆ
ನವದೆಹಲಿ: ಸಿಎಎ-ಎನ್ ಆರ್ ಸಿ ವಿರುದ್ಧ ಪ್ರತಿಭಟಿಸುವವರೊಂದಿಗೆ ಕೇಂದ್ರ ಸರಕಾರ ಮಾತನಾಡಬೇಕೆಂದು ಜಮಾಅತೆ ಇಸ್ಲಾಮಿ ಹಿಂದ್ ರಾಷ್ಟ್ರೀಯ ಅಧ್ಯಕ್ಷ ಸೈಯದ್ ಸಆದತುಲ್ಲಾ ಹುಸೇನಿ ಹೇಳಿದ್ದಾರೆ.
“ಸರ್ಕಾರ ಪ್ರತಿಭಟನಾಕಾರರೊಂದಿಗೆ ಮಾತನಾಡಬೇಕು. ಶಹೀನ್ ಬಾಗ್ನಲ್ಲಿ ಪ್ರತಿಭಟನೆ ನಡೆಸುತ್ತಿರುವವರನ್ನು ಸರ್ಕಾರ ಸಂಪರ್ಕಿಸಿದರೆ ಅದು ಸ್ವಾಗತಾರ್ಹ ಹೆಜ್ಜೆಯಾಗಿದೆ. ಸಂವಾದದ ಪ್ರಕ್ರಿಯೆಯು ಪ್ರಜಾಪ್ರಭುತ್ವದ ಭಾಗವಾಗಿದೆ ಮತ್ತು ಅದನ್ನು ಕೈಬಿಡಬಾರದು ಎಂದವರು ಹೇಳಿದ್ದಾರೆ.
ಸಿಎಎ ಕುರಿತು ಸುಪ್ರೀಂ ಕೋರ್ಟ್ನ ನಿರೀಕ್ಷಿತ ತೀರ್ಪಿನ ಬಗ್ಗೆ ಮಾತಾಡಿದ ಅವರು,
ತೀರ್ಪು ನೀಡುವ ಮೊದಲು ನಾವು ಅದರ ಬಗ್ಗೆ ಪ್ರತಿಕ್ರಿಯಿಸಲು ಸಾಧ್ಯವಿಲ್ಲ. ಹೇಗಾದರೂ, ಪ್ರತಿಯೊಬ್ಬರ ವಿಶಾಲವಾದ ಒಮ್ಮತವೆಂದರೆ ಅದು ಸಾಂವಿಧಾನಿಕ ಸಿಂಧುತ್ವದ ಪರೀಕ್ಷೆಯಲ್ಲಿ ಸೋಲುತ್ತದೆ ಎಂದಾಗಿದೆ. ಸಿಎಎ ವಿರುದ್ಧ ಸುಪ್ರೀಂ ತೀರ್ಪು ನೀಡುತ್ತದೆ ಎಂದು ನಾವು ನಿರೀಕ್ಷಿಸುತ್ತೇವೆಎಂದವರು ಆಶಾವಾದ ಪ್ರಕಟಿಸಿದ್ದಾರೆ.












