ಸನ್ಮಾರ್ಗ ವಾರ್ತೆ
ರಿಯೋ ಡಿ ಜನೈರೊ,ಜು.15: ಬ್ರೆಜಿಲ್ನ ಸಾವೊ ಪಾಲೊದಲ್ಲಿ 51 ವರ್ಷದ ಕಪ್ಪು ವರ್ಣೀಯ ಮಹಿಳೆಯ ಕುತ್ತಿಗೆಯ ಮೇಲೆ ಪೊಲೀಸ್ ನಿಂತಿರುವ ವಿಡಿಯೋ ಇದೀಗ ವೈರಲ್ ಆಗಿದೆ. ಮಹಿಳೆ ಕುತ್ತಿಗೆ ಮುರಿದು 16 ಹೊಲಿಗೆಗಳನ್ನು ಹಾಕಲಾಗಿದ್ದು, ಈ ಘಟನೆ ಮೇ 30 ರಂದು ನಡೆದಿದೆ ಎಂದು ವರದಿಯಾಗಿದೆ. ಪೀಡನೆಗೊಳಗಾದವರು 5 ಮಕ್ಕಳ ತಾಯಿ ಎಂದು ಗುರುತಿಸಲಾಗಿದ್ದು, ಜಗತ್ತಿನಾದ್ಯಂತ ವರ್ಣಭೇದ ನೀತಿಯ ವಿರುದ್ಧ ಪ್ರತಿಭಟನೆಗಳು ನಡೆಯುತ್ತಿರುವಾ ಬ್ರೆಝಿಲ್ನ ಈ ಘಟನೆಯು ತಡವಾಗಿ ಬೆಳಕಿಗೆ ಬಂದಿದೆ. ಮೇ 25 ರಂದು, ಅಮೇರಿಕಾದಲ್ಲಿ ಕಪ್ಪು ವರ್ಣೀಯ ಜಾರ್ಜ್ ಫ್ಲಾಯ್ಡ್ ಪೊಲೀಸರ ಚಿತ್ರಹಿಂಸೆಯಿಂದಾಗಿ ಸಾವನ್ನಪ್ಪಿದ್ದರು.
A Brazilian cop seen standing on a black woman's neck, gets suspended along with one more cop. On May 30
a cop aims his gun at a man, who was seen taking off his t-shirt. The woman said she was attempting to play peacemaker between the police and her friend.#brazil #cops #viral pic.twitter.com/Nfk1pcbWZT— News Leak Centre (@CentreLeak) July 14, 2020
ಘಟನೆಯ ವಿಡಿಯೋ ವೈರಲ್ ಆದ ನಂತರ ಸಾವೊ ಪಾಲೊ ಗವರ್ನರ್ ಜೊನೊ ಡೋರಿಯಾ ಇಬ್ಬರು ಪೊಲೀಸರನ್ನು ಅಮಾನತುಗೊಳಿಸಿದ್ದಾರೆ. ಇಂತಹ ಘಟನೆಗಳನ್ನು ಸಹಿಸುವುದಿಲ್ಲ ಎಂದು ಹೇಳಿದರು. ತದನಂತರ 2 ಸಾವಿರ ಪೊಲೀಸರಿಗೆ ತಮ್ಮ ದೇಹದ ಮೇಲೆ ಕ್ಯಾಮೆರಾ ಧರಿಸುವಂತೆ ರಾಜ್ಯಪಾಲರು ಆದೇಶಿಸಿದರು.
ಮೇ 25 ರಂದು ಅಮೆರಿಕದ ಮಿನ್ನಿಯಾಪೋಲಿಸ್ನ ಪೊಲೀಸರು ಜಾರ್ಜ್ ಫ್ಲಾಯ್ಡ್ನನ್ನು ಆಫ್ರಿಕನ್-ಅಮೆರಿಕನ್ನರ ಕಿರಾಣಿ ಅಂಗಡಿಯಲ್ಲಿ ವಂಚನೆ ಆರೋಪದ ಮೇಲೆ ಬಂಧಿಸಿದ್ದರು. ಈ ಸಮಯದಲ್ಲಿ, ಪೊಲೀಸ್ ಅಧಿಕಾರಿ ಡೆರೆಕ್ ಚೌವೆನ್ ಜಾರ್ಜ್ ಫ್ಲಾಯ್ಡ್ಗೆ ಕೈಕೋಳ ತೊಡಿಸಿದ್ದರು. ನೆಲದ ಮೇಲೆ ಮಲಗಿದ್ದ ಅವರ ಮೇಲೆ 8 ನಿಮಿಷ 46 ಸೆಕೆಂಡುಗಳ ಕಾಲ ಮೊಣಕಾಲಿನಿಂದ ಕುತ್ತಿಗೆಯನ್ನು ಅದುಮಿದ್ದರು. ಇದರಿಂದಾಗಿ ಜಾರ್ಜ್ ಉಸಿರಾಡಲಾಗದೇ ನೀವು ನನ್ನನ್ನು ಕೊಲ್ಲುತ್ತಿದ್ದೀರ.. ನನಗೆ ಉಸಿರಾಡಲು ಆಗುತ್ತಿಲ್ಲ ಎನ್ನುತ್ತಲೇ ಪ್ರಾಣ ಬಿಟ್ಟಿದ್ದರು. ಈ ಘಟನೆಯ ವಿಡಿಯೋ ವೈರಲ್ ಆದ ಕೂಡಲೇ ವಿಶ್ವದಾದ್ಯಂತ ಪ್ರತಿಭಟನೆಗಳು ನಡೆದವು. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕೂಡ ಈ ಬಗ್ಗೆ ಟೀಕೆಗಳನ್ನು ಎದುರಿಸಬೇಕಾಯಿತು ಅಲ್ಲದೇ ಅಮೇರಿಕಾದಾದ್ಯಂತ ಹಿಂಸಾತ್ಮಕ ಪ್ರತಿಭಟನೆಗಳು ನಡೆದವು.
ಓದುಗರೇ, ಸನ್ಮಾರ್ಗ ಫೇಸ್ಬುಕ್ ಪೇಜ್ನ್ನು ಲೈಕ್ ಮಾಡುವ ಮೂಲಕ ನಮ್ಮನ್ನು ಬೆಂಬಲಿಸಿ.