ಸನ್ಮಾರ್ಗ ವಾರ್ತೆ
ಮಧ್ಯಪ್ರದೇಶ ಲೋಕಸೇವಾ ಆಯೋಗದ(MPPSC) ಪರೀಕ್ಷಾ ಫಲಿತಾಂಶ ವಿಳಂಬವಾಗುತ್ತಿರುವ ಹಿನ್ನೆಲೆಯಲ್ಲಿ 28 ವರ್ಷದ ನಾಗರಿಕ ಸೇವಾ ಆಕಾಂಕ್ಷಿಯೊಬ್ಬರು ಇಂದೋರ್‌ನಲ್ಲಿ ತನ್ನ ಸ್ನೇಹಿತರೊಂದಿಗೆ ಹಣ್ಣಿನ ಚಾಟ್ಸ್ ಸ್ಟಾಲ್ ಅನ್ನು ತೆರೆದಿದ್ದಾರೆ ಎಂಬುದಾಗಿ ವರದಿಯಾಗಿದೆ.
28 ವರ್ಷದ ತೇಜ್‌ಪ್ರಕಾಶ್ ಕುಶ್ವಾಹ ತಮ್ಮ ಸ್ಟಾರ್ಟ್‌ಅಪ್, ‘ಪಿಎಸ್‌ಸಿ ಫಲಾಹರ್’ ಅನ್ನು ತಮ್ಮ ಮೂವರು ಸ್ನೇಹಿತರಾದ ಸೂರಜ್ ಬುಖಾರೆ, ಶುಭಂ ಠಾಕೂರ್ ಮತ್ತು ಪ್ರದೀಪ್ ಮೀನಾ ಅವರೊಂದಿಗೆ ಎರಡು ತಿಂಗಳ ಹಿಂದೆ ಭನ್ವಾರ್ಕುವಾನ್‌ನ ಉಸ್ತಾದ್ ಮಾರ್ಗ್‌ನ ಭೋಲಾರಾಮ್ ಮುಖ್ಯ ಗೇಟ್‌ನಲ್ಲಿ ಪ್ರಾರಂಭಿಸಿದರು.
ರೇವಾ ಜಿಲ್ಲೆಯ ನಿವಾಸಿ ತೇಜ್, ದೆಹಲಿಯಲ್ಲಿ ಯುಪಿಎಸ್‌ಸಿಗೆ ಎರಡು ವರ್ಷ ಸೇರಿದಂತೆ ಕಳೆದ ಆರು ವರ್ಷಗಳಿಂದ ನಾಗರಿಕ ಸೇವೆಗಳ ಪರೀಕ್ಷೆಗೆ ತಯಾರಿ ನಡೆಸಿದ್ದು, ಅಲಹಾಬಾದ್ ವಿಶ್ವವಿದ್ಯಾನಿಲಯದಿಂದ ತನ್ನ ಪದವಿ ಮತ್ತು ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸಿದ ನಂತರ, ಅವರು ದೆಹಲಿಗೆ ಹೋದರು ಮತ್ತು ನಂತರ 2018 ರಲ್ಲಿ ಇಂದೋರ್‌ಗೆ ಹಿಂತಿರುಗಿದರು. ಅವರು ಭೂಗೋಳಶಾಸ್ತ್ರದಲ್ಲಿ UGC NET ಪರೀಕ್ಷೆಯನ್ನು ಸಹ ತೇರ್ಗಡೆಯಾಗಿದ್ದಾರೆ.
“ನಾನು MPPSC 2019 ಮುಖ್ಯ ಪರೀಕ್ಷೆ, 2020 ಮುಖ್ಯ ಪರೀಕ್ಷೆಯನ್ನು ತೆಗೆದುಕೊಂಡಿದ್ದೇನೆ ಮತ್ತು 2021 ರ ಮುಖ್ಯ ಪರೀಕ್ಷೆಗಳನ್ನು ತೆಗೆದುಕೊಳ್ಳುತ್ತೇನೆ. ಆದರೆ ಸಮಸ್ಯೆ ಏನೆಂದರೆ ಫಲಿತಾಂಶಗಳನ್ನು ಇದುವರೆಗೆ ಪ್ರಕಟಿಸಲಾಗಿಲ್ಲ. ಅಲ್ಲದೇ ನನ್ನ ಕುಟುಂಬದ ಆರ್ಥಿಕ ಸ್ಥಿತಿ ಸರಿಯಾಗಿಲ್ಲದಿರುವ ಕಾರಣ ನನ್ನ ಪೋಷಕರಿಂದ ಹೆಚ್ಚಿನ ಒತ್ತಡವಿದೆ. ನನ್ನ ದೈನಂದಿನ ಖರ್ಚುಗಳನ್ನು ಪೂರೈಸಲು ನಾನು ಕೆಲವು ತರಬೇತಿ ತರಗತಿಗಳಲ್ಲಿ ಕಲಿಸುತ್ತಿದ್ದೆ. ನಾನು ಅನೇಕ ಕೋಚಿಂಗ್ ಸಂಸ್ಥೆಗಳಲ್ಲಿ ಕೆಲಸ ಮಾಡಿದ್ದೇನೆ. ಹಾಗಾಗಿ ಸ್ವಂತವಾಗಿ ಏನಾದರೂ ಆರಂಭಿಸಲು ನಿರ್ಧರಿಸಿದ್ದೆ ಎಂದು ತೇಜ್ ಹೇಳುತ್ತಾರೆ.
ಬೆಳಿಗ್ಗೆ 4 ಗಂಟೆಗೆ ಎದ್ದು, ಸಾಮಾನುಗಳನ್ನು ಸಿದ್ಧಪಡಿಸಿ, ಬೆಳಿಗ್ಗೆ 6.30 ರಿಂದ 9.30 ರವರೆಗೆ ಸುಮಾರು ಮೂರು ಗಂಟೆಗಳ ಕಾಲ ಹಣ್ಣಿನ ಚಾಟ್ ಅನ್ನು ಮಾರಾಟ ಮಾಡುತ್ತಾರೆ. ಅದರ ನಂತರ ಅವರು ಎಲ್ಲ ಸಮಯವನ್ನು ತಮ್ಮ ಅಧ್ಯಯನದ ಮೇಲೆ ಕೇಂದ್ರೀಕರಿಸುತ್ತಾರೆ. ಏಕೆಂದರೆ ಅವರ ಮುಖ್ಯ ಗುರಿ ಸರ್ಕಾರಿ ಅಧಿಕಾರಿಗಳಾಗಿ ಸೇವೆ ಸಲ್ಲಿಸುವುದು. ಆದರೆ, ಹೊಟ್ಟೆಪಾಡಿಗಾಗಿಯೇ ಹಣ್ಣುಗಳನ್ನು ಮಾರುತ್ತಿದ್ದಾರೆ.
ಇಂದೋರ್‌ನ ಖಾಂಡ್ವಾ ನಾಕಾದ ಗಣೇಶ್ ನಗರದಲ್ಲಿ ರೇವಾ ನಿವಾಸಿ ಅಜಿತ್ ಸಿಂಗ್ ಅವರು ಸ್ಥಾಪಿಸಿದ ಮತ್ತೊಂದು ಸ್ಟಾರ್ಟ್‌ಅಪ್, ‘ಪಿಎಸ್‌ಸಿ ಸಮೋಸಾವಾಲಾ’ ಕೂಡಿದೆ.
ಅಜಿತ್ ಅವರು 2016ರಲ್ಲಿ ತಮ್ಮ ಮಧ್ಯಂತರ ಪರೀಕ್ಷೆಯನ್ನು ಪೂರ್ಣಗೊಳಿಸಿದ ನಂತರ, ಅವರು 2017ರಲ್ಲಿ ತಮ್ಮ MPPSC ಪರೀಕ್ಷೆಗಳಿಗೆ ತಯಾರಿ ಮಾಡಲು ಇಂದೋರ್‌ಗೆ ಬಂದರು. ಅವರು PSC ಪರೀಕ್ಷೆ 2019 ಮತ್ತು 2020 ಅನ್ನು ತೆಗೆದುಕೊಂಡರು. ಅವರು PSC 2020 ಅನ್ನು ಒಂದು ಅಂಕದ ಕೊರತೆಯಿಂದಾಗಿ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿಲ್ಲ. ಈಗ ಅವರು 2021ರ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದಾರೆ.
ಕುಟುಂಬದ ಮೇಲಿನ ಆರ್ಥಿಕ ಹೊರೆಯನ್ನು ತಗ್ಗಿಸಲು ಅವರು ಸ್ಟಾರ್ಟ್ ಅಪ್ ಆರಂಭಿಸಿದರು. ಕಳೆದ ನಾಲ್ಕು ವರ್ಷಗಳಿಂದ MPPSC ಅಂತಿಮ ಫಲಿತಾಂಶವನ್ನು ಘೋಷಿಸಲು ವಿಫಲವಾದ ಕಾರಣ, ಅವರ ಪೋಷಕರ ಒತ್ತಡ ನಿರಂತರವಾಗಿ ಹೆಚ್ಚುತ್ತಿದೆ.
“ಕುಟುಂಬವು ವ್ಯಾಸಂಗಕ್ಕಾಗಿ ಪ್ರತಿ ವರ್ಷ ಸುಮಾರು 70,000 ರೂ.ವ್ಯಯಿಸಿದ್ದಾರೆ. ಆದರೆ, ಫಲಿತಾಂಶದ ಬಗ್ಗೆ ಕೇಳಿದಾಗ, ನಮ್ಮಲ್ಲಿ ಉತ್ತರವಿಲ್ಲ. ನಾನು ನನ್ನ ಹೆತ್ತವರಿಗೆ ಹೊಣೆಗಾರನಾಗುತ್ತಿದ್ದೇನೆ ಎಂದು ನಾನು ಭಾವಿಸುತ್ತೇನೆ. ಹಾಗಾಗಿ, ನನ್ನ ಅಧ್ಯಯನದೊಂದಿಗೆ ಹೊಂದಾಣಿಕೆ ಮಾಡಿಕೊಂಡು ಸ್ಟಾರ್ಟ್‌ಅಪ್‌ಗೆ ನಿರ್ಧರಿಸಿದೆ ಎಂದು ಅಜಿತ್ ಹೇಳಿದ್ದಾರೆ.
“ಸದ್ಯಕ್ಕೆ ನಾನೇ ಸಮೋಸ ತಯಾರಿಸಿ ಮಾರುತ್ತೇನೆ. ನಾನು ಮಧ್ಯಾಹ್ನ 3 ರಿಂದ ರಾತ್ರಿ 9 ರವರೆಗೆ ಸುಮಾರು 6 ಗಂಟೆಗಳ ಕಾಲ ಸಮೋಸಗಳನ್ನು ಮಾರಾಟ ಮಾಡುತ್ತಿದ್ದೇನೆ. ಉಳಿದ ಸಮಯವನ್ನು ನಾನು ನನ್ನ ಅಧ್ಯಯನಕ್ಕೆ ಬಳಸುತ್ತೇನೆ”ಎಂದು ಅವರು ಹೇಳಿದರು.
ಉದ್ಯೋಗ ಸಿಗದೇ ಪದವಿ ಹಾಗೂ ಸ್ನಾತಕೊತ್ತರ ಪದವಿ ಪಡೆದವರು ಗ್ರಾಜ್ಯುಯೇಟ್ ಚಾಯ್‌ವಾಲ ಹೆಸರಲ್ಲಿ ಈಗಾಗಲೇ ಸುದ್ದಿಯಲ್ಲಿರುವಾಗ ಪಿಎಸ್‌ಸಿ ಚಾಟ್ಸ್ ಮತ್ತು ಸಮೋಸಾ ವಾಲಾ, ಪಿಎಸ್‌ಸಿ ಫಲಹಾರ್ ಹೆಸರುಗಳು ಒಂದೆಡೆ ಜನರ ಗಮನ ಸೆಳೆಯುತ್ತಿದ್ದರೆ ಮತ್ತೊಂದೆಡೆ ಆಡಳಿತ ವ್ಯವಸ್ಥೆಗಳ ವಿಫಲತೆಯ ಕುರಿತು ಸವಾಲು ಹುಟ್ಟು ಹಾಕುತ್ತಿರುವುದು ವಿಪರ್ಯಾಸ.
ಕೃಪೆ: ಫ್ರಿ ಪ್ರೆಸ್ ಜರ್ನಲ್
