ಸನ್ಮಾರ್ಗ ವಾರ್ತೆ
ರಿಯಾದ್: ಸೌದಿ ಫುಡ್ ಆಂಡ್ ಡ್ರಗ್ ಅಥಾರಿಟಿ(ಎಸ್ಎಫ್ಡಿಎ) ಪೊಲೆಂಡಿನ ವಿಲ್ಕೊಪೊಲಸ್ಕಿಯಿಂದ ಕೋಳಿ ಮಾಂಸ, ಮೊಟ್ಟೆ ಸಂಬಂಧಿಸಿದ ಉತ್ಪನ್ನಗಳು ಹಾಗೂ ಕೋಳಿ ಫಾರ್ಮಿಗೆ ಬೇಕಾದ ಉಪಕರಣಗಳ ಆಮದಿಗೆ ತಾತ್ಕಾಲಿಕ ನಿಷೇಧ ಹೇರಿದೆ.
ವೊಲ್ಕೊಪೊಲಸ್ಕಿ ಪ್ರದೇಶದಲ್ಲಿ ತೀವ್ರ ಹಕ್ಕಿ ಜ್ವರ ಉಲ್ಬಣಗೊಂಡ ನಂತರ ಪ್ರಾಣಿಗಳ ಆರೋಗ್ಯಕ್ಕಾಗಿ ವಿಶ್ವ ಸಂಸ್ಥೆಯಿಂದ ವರದಿಯನ್ನು ಸ್ವೀಕರಿಸಿರುವ ಹಿನ್ನೆಲೆಯಲ್ಲಿ ಪ್ರಾಧಿಕಾರವು ಈ ನಿರ್ಧಾರವನ್ನು ತೆಗೆದುಕೊಂಡಿದೆ. ಇದೇವೇಳೆ, ಹೆಚ್ಚು ರೋಗಕಾರಕ ಏವಿಯನ್ ಇನ್ಫುಯೆನ್ಝಾ ವೈರಸ್ ಅನ್ನು ಕೊಲ್ಲುವ ಸಾಮರ್ಥ್ಯವಿರುವ, ಶಾಖ ಚಿಕಿತ್ಸೆಗೆ ಒಳಗಾದ ಕೋಳಿ ಮಾಂಸ, ಮೊಟ್ಟೆಗಳು, ಸಂಬಂಧಿತ ಉತ್ಪನ್ನಗಳು ಮತ್ತು ಉಪಕರಣಗಳ ಆಮದಿಗೆ ತಾತ್ಕಾಲಿಕ ನಿಷೇಧದಿಂದ ವಿನಾಯಿತಿ ನೀಡಲಾಗಿದೆ.
ಆರೋಗ್ಯದ ಮುನ್ನೆಚ್ಚರಿಕೆಗಳು, ನಿಯಮಗಳು ಮತ್ತು ಗುಣಮಟ್ಟದ ಮಾನ್ಯತೆ ಮಾನದಂಡಗಳಿಗೆ ಅನುಗುಣವಾಗಿ ಉತ್ಪನ್ನವು ವೈರಸ್-ಮುಕ್ತವಾಗಿದೆ ಎಂದು ದೃಢೀಕರಿಸುವ ಪೋಲೆಂಡ್ನಿಂದ ಗುರುತಿಸಲ್ಪಟ್ಟ ಅಧಿಕೃತ ಸಂಸ್ಥೆಯು ನೀಡಿದ ಆರೋಗ್ಯ ಪ್ರಮಾಣಪತ್ರವನ್ನು ಆಧರಿಸಿ ನಿಷೇಧದಿಂದ ವಿನಾಯಿತಿ ನೀಡಲಾಗುವುದು ಎಂಬುದಾಗಿ ವರದಿಯಾಗಿದೆ.