ಸನ್ಮಾರ್ಗ ವಾರ್ತೆ
ನವದೆಹಲಿ,ಜೂ.6: ಬಿಜೆಪಿ ವಕ್ತಾರ ನವೀನ್ ಕುಮಾರ್ ಅವರ ದೂರಿನ ಮೇರೆಗೆ “ಸಾರ್ವಜನಿಕರಿಗೆ ಧಕ್ಕೆ ತರುವ ಹೇಳಿಕೆಗಳನ್ನು ನೀಡಿದ್ದಾರೆ” ಎಂಬ ಆರೋಪದಡಿಯಲ್ಲಿ ಹಿರಿಯ ಪತ್ರಕರ್ತ ವಿನೋದ್ ದುವಾ ವಿರುದ್ಧ ಎಫ್ಐಆರ್ ದಾಖಲಿಸಲಾಗಿದೆ ಎಂದು ದೆಹಲಿ ಪೊಲೀಸರು ಶುಕ್ರವಾರ ತಿಳಿಸಿದ್ದಾರೆ.
ಯೂಟ್ಯೂಬ್‌ನಲ್ಲಿ “ದಿ ವಿನೋದ್ ದುಆ ಶೋ” ಮೂಲಕ ದುವಟ “ನಕಲಿ ಸುದ್ದಿಗಳನ್ನು ಹರಡಿದ್ದಾರೆ” ಎಂದು ಕುಮಾರ್ ಅಪರಾಧ ವಿಭಾಗಕ್ಕೆ ನೀಡಿದ ದೂರಿನಲ್ಲಿ ಆರೋಪಿಸಿದ್ದಾರೆ.
“ನನ್ನನ್ನು ಇನ್ನೂ ಪೊಲೀಸರು ಸಂಪರ್ಕಿಸಿಲ್ಲ, ಈ ಸಮಯದಲ್ಲಿ ನಾನು ಅದಕ್ಕೆ ಪ್ರತಿಕ್ರಿಯಿಸಲು ಸಾಧ್ಯವಿಲ್ಲ” ಎಂದು ದುವಾ ಹೇಳಿದರು.
ದೆಹಲಿ ಕೋಮು ಹಿಂಸಾಚಾರದ ಬಗ್ಗೆ ದುವಾ ಅವರು ತಪ್ಪಾಗಿ ವರದಿ ಮಾಡಿದ್ದಾರೆ ಮತ್ತು “ಹಿಂಸಾಚಾರವನ್ನು ತಡೆಯಲು ಕೇಂದ್ರ ಸರ್ಕಾರ ಏನೂ ಮಾಡಿಲ್ಲ” ಎಂದು ಹೇಳಿದ್ದಾರೆಂದು ಕುಮಾರ್ ಆರೋಪಿಸಿದರು.
ದುವಾ, ಪ್ರಧಾನ ಮಂತ್ರಿಯನ್ನು “ಹಲ್ಲಿಲ್ಲದ” ಎಂದು ಕರೆದಿದ್ದಾರೆ ಎಂದು ಕುಮಾರ್ ಆರೋಪಿಸಿದ್ದಾರೆ.
“ಪತ್ರಕರ್ತ ಶ್ರೀ ವಿನೋದ್ ದುವಾ ಅವರು ತಮ್ಮ ವೀಕ್ಷಕರಿಗೆ ಘಟನೆಗಳ ಸರಣಿಯ ಬಗ್ಗೆ ಸುಳ್ಳು ಹೇಳಿದ್ದಾರೆ ಅಥವಾ ತಪ್ಪಾಗಿ ಮಾಹಿತಿ ನೀಡಿದ್ದಾರೆ. ಸರ್ಕಾರ, ಪೊಲೀಸ್ ಮತ್ತು ರಾಜಕೀಯ ನಾಯಕರ ವಿರುದ್ಧ ವಿಲಕ್ಷಣ ಮತ್ತು ಆಧಾರರಹಿತ ಆರೋಪಗಳನ್ನು ಹೊರಿಸಿರುವ ಹಳೆಯ ನಿದರ್ಶನಗಳ ಸರಣಿಯೂ ಇದೆ. ವಿಷಯ ತಪ್ಪುದಾರಿಗೆಳೆಯುವ ಸಂದರ್ಭ. (sic) “ಕುಮಾರ್ ತಮ್ಮ ದೂರಿನಲ್ಲಿ ಹೇಳಿದ್ದಾರೆ.
ಐಪಿಸಿ ಸೆಕ್ಷನ್ 290, ಸೆಕ್ಷನ್ 505, ಮತ್ತು ಸೆಕ್ಷನ್ 505 (2) ಅಡಿಯಲ್ಲಿ ದುವಾರವರ ಮೇಲೆ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
