ಸನ್ಮಾರ್ಗ ವಾರ್ತೆ
ಗುರುಗ್ರಾಮ: ಖ್ಯಾತ ಇಸ್ಲಾಮಿ ಪಂಡಿತ, ಜಮೀಯತುಲ್ ಉಲಮಾ-ಏ-ಹಿಂದ್ ಅಧ್ಯಕ್ಷ ಹಾಗೂ ದಾರುಲ್ ಉಲೂಮ್ ದಿಯೋಬಂದ್ ನ ಧಾರ್ಮಿಕ ನೇತೃತ್ವವನ್ನು ವಹಿಸಿದ್ದ ಮೌಲಾನ ಖಾರೀ ಸೈಯದ್ ಮುಹಮ್ಮದ್ ಉಸ್ಮಾನ್ ಮನ್ಸೂರ್ ಪುರಿಯವರು ನಿನ್ನೆ ನಿಧನರಾಗಿದ್ದಾರೆಂದು ತಿಳಿದು ಬಂದಿದೆ. ಗುರುಗ್ರಾಮದ ಮೇದಾಂತ ಆಸ್ಪತ್ರೆಯಲ್ಲಿ ಕೋವಿಡ್ ಸಂಬಂಧಿ ಕಾಯಿಲೆಯಿಂದ ನಿಧನರಾಗಿದ್ದಾರೆ ಎನ್ನಲಾಗಿದೆ.
ಅವರು ಮುಸ್ಲಿಂ ಸಮುದಾಯದ ಉನ್ನತ ವಿದ್ವಾಂಸರಾಗಿದ್ದು, ದಾರುಲ್ ಉಲೂಮ್ ದಿಯೋಬಂದ್ ನ ಮುಖ್ಯ ವಿದ್ವಾಂಸರಾಗಿದ್ದರು. ಭಯೋತ್ಪಾದನೆಯ ವಿರುದ್ಧ ಫತ್ವಾ ನೀಡಿದ್ದ ಇವರು ಭಯೋತ್ಪಾದನೆಯ ವಿರುದ್ಧ ಆಂದೋಲನವನ್ನೂ ಕೈಗೊಂಡಿದ್ದರು ಎಂದು ಜಮೀಯತ್ ಉಲಮಾ ಹಿಂದ್ ತನ್ನ ಟ್ವಿಟರ್‌ನಲ್ಲಿ ತಿಳಿಸಿದೆ.
ಅವರು ಹಿಂದೂ-ಮುಸ್ಲಿಂ ಸಮುದಾಯಗಳ ಒಗ್ಗಟ್ಟಿನ ನಡುವಿನ ಸೇತುವೆಯಾಗಿದ್ದು, ಜಮೀಯತುಲ್ ಉಲಮಾದ ಅಡಿಯಲ್ಲಿ ಸದ್ಭಾವನಾ ಮಂಚ್ ಅನ್ನು ಸ್ಥಾಪಿಸಿದ್ದರು.
(1944-2021)
Great Islamic Scholar, the President of Jamiat Ulama-i-Hind & Working Rector of Darul Uloom Deoband, Maulana Qari Syed Mohd Usman Mansoorpuri passed away today at Medanta Hospital, Gurgaon due to after COVID related complications.— Jamiat Ulama-i-Hind (@JamiatUlama_in) May 21, 2021
