ಹೊಸದಿಲ್ಲಿ, ಜೂ. 19: ಹದಿನೇಳನೆ ಲೋಕಸಭಾ ಅಧಿವೇಶನ ಸೋಮವಾರ ಆರಂಭವಾಗಿದ್ದು ಮಂಗಳವಾರ ಸಂಸದರ ಪ್ರಮಾಣವಚನ ಕಾರ್ಯದಲ್ಲಿ ಸಮಾಜವಾದಿ ಪಾರ್ಟಿ ಸಂಸದ ಶಫೀಕುರ್ರಹ್ಮಾನ್ ಬರ್ಕ್ ಪ್ರಮಾಣ ವಚನದ ವೇಳೆ ವಂದೇ ಮಾತರಂ ಹೇಳಲು ನಿರಾಕರಿಸಿದ್ದಾರೆ. ಸಂಸತ್ತಿನಲ್ಲಿ ಪ್ರಮಾಣವಚನ ಸ್ವೀಕರಿಸಿದ ಬಳಿಕ ಸಂವಿಧಾನ ಝಿಂದಾಬಾದ್ ಘೋಷಣೆಯನ್ನು ಅವರು ಕೂಗಿದರು. ವಂದೇ ಮಾತರಂ ಹೇಳಲಾರೆ. ಅದು ಇಸ್ಲಾಮ್ ವಿರೋಧಿಯಾಗಿದೆ ಎಂದು ಸಂಸತ್ತಿನಲ್ಲಿ ಸ್ಪಷ್ಟಪಡಿಸಿದ್ದಾರೆ.
#WATCH: Slogans of Vande Mataram raised in Lok Sabha after Samajwadi Party's MP Shafiqur Rahman Barq says, "Jahan tak Vande Mataram ka taaluq hai, it is against Islam we cannot follow it" after concluding his oath. pic.twitter.com/8Sugg8u8ah
— ANI (@ANI) June 18, 2019
ಅವರು ಹೀಗೆ ಹೇಳುತ್ತಿದ್ದಂತೆ ಸಂಸತ್ತಿನಲ್ಲಿ ಗದ್ದಲ ಕೇಳಿ ಬಂತು. ಆದ್ದರಿಂದ ಸಂಸದರ ರಿಜಿಸ್ಟರಿಯಲ್ಲಿ ಸಹಿ ಹಾಕಲು ಕೂಡ ಬರ್ಕ್ ಮರೆತರು. ಅವರನ್ನು ಕರೆದು ಒಬ್ಬರು ರಿಜಿಸ್ಟ್ರರ್ ಗೆ ಸಹಿ ಹಾಕಲು ತಿಳಿಸಿದರು. ಕೇವಲ ಅವರ ಪ್ರಮಾಣ ವಚನ ಮಾತ್ರ ದಾಖಲಿಸಿಕೊಳ್ಳಲಾಗುವುದು, ಇತರ ವಿಷಯಗಳು ಕಡತಕ್ಕೆ ಸೇರುವುದಿಲ್ಲ ಎಂದು ಉಪಸಭಾಧ್ಯಕ್ಷರು ತಿಳಿಸಿದ್ದಾರೆ.












