ಸನ್ಮಾರ್ಗ ವಾರ್ತೆ
ಏಷ್ಯಾದ ಅತಿದೊಡ್ಡ ಕೊಳೆಗೇರಿಯಾದ ಮುಂಬಯಿನ ಧಾರಾವಿಯಲ್ಲಿ ಕೋವಿಡ್-19 ಪ್ರಕರಣಗಳನ್ನು ನಿಯಂತ್ರಿಸುವಲ್ಲಿ ಯಶಸ್ವಿಯಾಗಿರುವುದರ ಹಿಂದೆ ಮುಸ್ಲಿಮ್ ಧಾರ್ಮಿಕ ಪಂಡಿತರ (ಮೌಲಾನಾಗಳು ಹಾಗೂ ಮೌಲವಿಗಳು) ಪ್ರಯತ್ನವು ಬಹಳಷ್ಟಿದೆ.
ಕೋವಿಡ್-19 ಕುರಿತು ಜಾಗೃತಿ ಮೂಡಿಸಲು ಮತ್ತು ಅದರ ಸಾಮೂಹಿಕ ಹರಡುವಿಕೆಯನ್ನು ತಡೆಯಲು 180 ಮುಸ್ಲಿಮ್ ಧಾರ್ಮಿಕ ಪಂಡಿತರು ಸುಮಾರು ಆರು ತಿಂಗಳಿಗಿಂತಲೂ ಹೆಚ್ಚು ಕಾಲ ಪ್ರತಿದಿನ ಪ್ರಾರ್ಥನೆಗಾಗಿ ಕರೆ ನೀಡಿದ ನಂತರ ಧಾರಾವಿಯ ಜನರಲ್ಲಿ ಮನೆಯೊಳಗೆ ಇರುವಂತೆ ಜ್ಞಾಪನೆಯನ್ನು ನೀಡುತ್ತಲೇ ಇದ್ದರು.
ಈ ಸಮುದಾಯದ ಪ್ರಯತ್ನವನ್ನು ಭಮ್ಲಾ ಫೌಂಡೇಶನ್ ಪ್ರಾರಂಭಿಸಿದ್ದು, ಧಾರವಿ ನಿವಾಸಿಗಳು ಇದನ್ನು ಬೆಂಬಲಿಸಿದರು. ಅವರು ಈ ಪ್ರದೇಶವು ಕೋವಿಡ್-19 ಕೇಂದ್ರವಾಗಬಾರದು ಎಂದು ಖಚಿತಪಡಿಸಿಕೊಳ್ಳಲು ತಮ್ಮ ಅತ್ಯುತ್ತಮ ಪ್ರಯತ್ನ ನೀಡಿದರು.
ಜೂನ್ ತಿಂಗಳಿ‌ನಲ್ಲಿ ಧಾರವಿ ಅಧಿಕಾರಿಗಳಿಗೆ ಒಂದು ದೊಡ್ಡ ಸವಾಲಾಗಿತ್ತು. ಯಾಕೆಂದರೆ, ಅದರ ದಟ್ಟವಾದ ಜನಸಂಖ್ಯೆಯಿಂದಾಗಿ ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳುವುದಂತೂ ದೂರದ ಮಾತಾಗಿತ್ತು. ಒಂದು ವೇಳೆ ಕೊರೋನ ಈ ಕೊಳಗೇರಿಯಲ್ಲಿ ಹಬ್ಬಿದರೆ ಸ್ಥಿತಿಯು ಬಹಳ ಚಿಂತಾಜನಕವಾಗುವ ಸಾಧ್ಯತೆಗಳು ಬಹಳಷ್ಟಿದ್ದವು.
ಏಷ್ಯಾದ ಅತಿದೊಡ್ಡ ಮತ್ತು ದಟ್ಟವಾದ ಕೊಳೆಗೇರಿಯಾದ ಧಾರಾವಿ ಸುಮಾರು 2.5 ಚದರ ಕಿ.ಮೀ ವ್ಯಾಪ್ತಿಯಲ್ಲಿ 6.5 ಲಕ್ಷ ಜನರೊಂದಿಗೆ ಹರಡಿಕೊಂಡಿದೆ. ಸಮುದಾಯದ ನಾಯಕರು ಜಾಗೃತಿ ಮೂಡಿಸುವಲ್ಲಿ ಮತ್ತು ಅಧಿಕಾರಿಗಳ ನಿರ್ದೇಶನಗಳನ್ನು ಅನುಸರಿಸಲು ನಿವಾಸಿಗಳನ್ನು ಮನವೊಲಿಸುವಲ್ಲಿ ಮಹತ್ವದ ಪಾತ್ರ ವಹಿಸಬಹುದೆಂದು ಮೊದಲೇ ಅರಿತುಕೊಂಡರು. ಧಾರವಿ ಜನಸಂಖ್ಯೆಯ ಶೇಕಡಾ 30ರಷ್ಟು ಜನಸಂಖ್ಯೆಯು ಮುಸ್ಲಿಮರನ್ನು ಒಳಗೊಂಡಿದೆ. ಮಾಲವಿಗಳು ಮತ್ತು ಯುವ ಸ್ವಯಂಸೇವಕರ ಸಹಾಯದಿಂದ ಎನ್‌ಜಿಒ ಭಮ್ಲಾ ಫೌಂಡೇಶನ್‌ನ ಉಪಕ್ರಮವನ್ನು ಮುನ್ನಡೆಸಿದ ಮೆರಾಜ್ ಹುಸೈನ್, ಏಪ್ರಿಲ್ 1ರಂದು ಕಾರ್ಮಿಕ ಶಿಬಿರದಲ್ಲಿ ಮೊದಲ ಪ್ರಕರಣ ವರದಿಯಾದ ನಂತರ ಸಮುದಾಯದ ಸದಸ್ಯರಲ್ಲಿ ಜಾಗೃತಿ ಮೂಡಿಸಲು ತಮ್ಮನ್ನು ತಾವು ತೊಡಗಿಸಿಕೊಂಡ ಕುರಿತು ಹೇಳಿದರು. ಹೆಚ್ಚು ಜನನಿಬಿಡವಾಗಿರುವ ಕುಂಭರ್ವಾಡ ಮತ್ತು ಕುತಿವಾಡಿಯಲ್ಲಿ ವೈರಸ್ ಹರಡುವಿಕೆಯನ್ನು ತಡೆಯುವ ಮೂಲಕ ಕೊರೋನ ಹಾಟ್‌ಸ್ಪಾಟ್ ಆಗದಂತೆ ಖಚಿತ ಪಡಿಸಿಕೊಂಡರು.
ಕೋವಿಡ್-19 ಕುರಿತು ಜನರ ಮನವೊಲಿಸುವುದು ಮತ್ತು ರಂಜಾನ್, ಈದ್ ಮತ್ತು ಬಡಿ ರಾತ್ ಸಮಯದಲ್ಲಿ ಜನರು ಹೊರಹೋಗುವುದನ್ನು ತಡೆಯುವುದು ಧರ್ಮಗುರುಗಳಿಗೆ ಅತಿ ದೊಡ್ಡ ಸವಾಲಾಗಿತ್ತು ಎಂದು ಭಮ್ಲಾ ಫೌಂಡೇಶನ್‌ನ ಸಂಸ್ಥಾಪಕ ಆಸಿಫ್ ಭಮ್ಲಾ ಹೇಳುತ್ತಾರೆ. ಜೀವನ ನಿರ್ಧಾರಗಳಿಗೆ ಬಂದಾಗ ಹೆಚ್ಚಿನ ಸಂಖ್ಯೆಯ ಜನರು ಧಾರ್ಮಿಕ ಪಂಡಿತರ ಮಾತುಗಳನ್ನು ಆಲಿಸುತ್ತಾರೆ.
ಹಾಗಾಗಿ, ತಮ್ಮ ಧಾರ್ಮಿಕ ನಂಬಿಕೆಯು ದೇಶ ಮತ್ತು ಅದರ ಜನರನ್ನು ರಕ್ಷಿಸುವಲ್ಲಿ ಸಹಾಯಕಾವಾಗುತ್ತದೆ ಎಂಬುದನ್ನು ಮೌಲವಿಗಳು ಜನರಿಗೆ ನೆನಪಿಸಿದಾಗ ಅವರು ಆಲಿಸಿದರು. ವೈರಸ್ ಅನ್ನು ಸೋಲಿಸುವ ಸಾಧ್ಯತೆಗಳನ್ನು ಹಾಳುಗೆಡಹುವ ಯಾವುದೇ ಅಸಡ್ಡೆ ತೋರದಿರಿ ಎಂದು ಮೌಲವಿಗಳು ಒತ್ತಾಯಿಸಿದರು.
ಕೊಳೆಗೇರಿ ಕ್ಲಸ್ಟರ್‌ನಾದ್ಯಂತ ಮನೆ-ಮನೆಗೆ ಭೇಟಿ ನೀಡಿದ ವಿದ್ವಾಂಸರು, ಅಗತ್ಯತೆಗಳಿಗನುಸಾರವಾಗಿ ತಂತ್ರಗಳನ್ನು ಬದಲಾಯಿಸಿದರು. ಮನೆಯೊಳಗೆ ಇರಲು ನಿರಾಕರಿಸಿದ ಕೋವಿಡ್-19 ಸಿನಿಕರು ವಿಧೇಯತೆಗೆ ಹೆದರುತ್ತಾರೆ. “ಕೋವಿಡ್-19 ನಿಂದ ಮರಣ ಹೊಂದಿದ ಸಮುದಾಯದ ಯುವಕರ ಛಾಯಾಚಿತ್ರಗಳನ್ನು ಮೌಲ್ವಿಗಳು ಮನೆ ಮನೆಗೆ ತೆಗೆದುಕೊಂಡು ಹೋದರು ಮತ್ತು ವೈರಸ್ ತಮ್ಮ ಮೇಲೆ ಹರಡಿತು ಎಂದು ಭಯಾನಕ ಸತ್ಯವನ್ನು ನಂಬದ ಕುಟುಂಬಗಳಿಗೆ ಈ ಮೂಲಕ ತಿಳಿಸಿದರು. ಇದು ಅನೇಕರು ತಮ್ಮ ಮನೆಗಳ ಹೊರಗೆ ಹೋಗದಂತೆ ತಡೆಯಿತು” ಎಂದು ಭಮ್ಲಾ ಹೇಳಿದರು.
ಸಂಜೆ, ಅವರು ಟ್ಯಾಕ್ ಬದಲಾಯಿಸಿದರು. ದೇವರ ಭಯವನ್ನು ಪ್ರಚೋದಿಸುವುದರಿಂದ ಹಿಡಿದು ಸಾಮಾಜಿಕ ಬಹಿಷ್ಕಾರದ ಎಚ್ಚರಿಕೆಯವರೆಗೆ, ಅವರು ಅಝಾನ್ ನಂತರ ನಿವಾಸಿಗಳನ್ನು ಲಾಕ್‌ಡೌನ್ ನಿರ್ಬಂಧಗಳಿಗೆ ಬದ್ಧರಾಗಿರಲು ಕೇಳಿಕೊಂಡರು. ನಾಗರಿಕ ಅಧಿಕಾರಿಗಳು ಮತ್ತು ಸಾಮಾಜಿಕ ಕಾರ್ಯಕರ್ತರು ತಮ್ಮ ಮನೆ ಬಾಗಿಲಲ್ಲಿಯೇ ಅಗತ್ಯ ವಸ್ತುಗಳನ್ನು ಒದಗಿಸುತ್ತಾರೆ ಎಂದು ಅವರಿಗೆ ತಿಳಿಸಿದರು. “ಧ್ವನಿವರ್ಧಕದ ಮೂಲಕ 5 ನಿಮಿಷಗಳ ಸಂದೇಶದಲ್ಲಿ, ನಾವು ಕರ್ಫ್ಯೂ ಆಚರಿಸಲು, ಮಕ್ಕಳನ್ನು ಒಳಗೆ ಇರಿಸಲು ಮತ್ತು ಅಗತ್ಯವಿದ್ದಾಗ ಮಾತ್ರ ಹೊರಹೋಗುವಂತೆ ಜನರನ್ನು ಕೇಳಿದೆವು” ಎಂದು ಧಾರವಿಯ ಜಮಾ ಮಸೀದಿಯ ಮೌಲಾನಾ ಫಾರೂಕಿ ಶೇಖ್ ಹೇಳಿದರು.
ಧಾರ್ಮಿಕ ಹಬ್ಬಗಳ ಸಮಯದಲ್ಲಿ ಜನರು ಹೊರಹೋಗದಂತೆ ತಡೆಯಲು ಸ್ವಯಂಸೇವಕರು ಪ್ರತಿ ಸಮುದಾಯದ ಮನೆಯವರಿಗೆ ಹಣ್ಣುಗಳು ಮತ್ತು ಆಹಾರವನ್ನು ವಿತರಿಸಿದರು ಎಂಬುದಾಗಿ ಹುಸೈನ್ ಹೇಳಿದರು.
ಈ ತಂತ್ರವು ಕೆಲಸ ಮಾಡಿದೆ. ಧಾರವಿ ಮೇ ತಿಂಗಳಲ್ಲಿ ದಿನಕ್ಕೆ ಸರಾಸರಿ 43 ಪ್ರಕರಣಗಳನ್ನು ದಾಖಲಿಸುತ್ತಿದ್ದರೂ ವಕ್ರರೇಖೆಯನ್ನು ಸಮತಟ್ಟಾಗಿಸುವಲ್ಲಿ ಯಶಸ್ವಿಯಾಯಿತು. 3,239 ಪ್ರಕರಣಗಳಲ್ಲಿ 176 ಮಾತ್ರ ಇನ್ನೂ ಸಕ್ರಿಯವಾಗಿವೆ. ಸೆಪ್ಟೆಂಬರ್ ಮೊದಲ ವಾರದವರೆಗೆ ಈ ಉಪಕ್ರಮವು ಮುಂದುವರೆಯಿತು ಎಂದು ಹುಸೈನ್ ಹೇಳಿದರು. ಹೆಚ್ಚಿನ ಲಾಕ್‌ಡೌನ್ ಅನ್‌ಲಾಕ್ ಪ್ರಕ್ರಿಯೆಯಿಂದಾಗಿ ಜನರು ಮತ್ತೆ ಕೆಲಸಕ್ಕೆ ಹೋಗಲು ಪ್ರಾರಂಭಿಸಿದ್ದಾರೆ ಮತ್ತು ಧರ್ಮಗುರುಗಳು ಇನ್ನು ಮುಂದೆ ಸಂದೇಶದೊಂದಿಗೆ ಒತ್ತಡ ಹೇರುವ ಅಗತ್ಯವಿಲ್ಲ. ಆದರೆ, ಪ್ರಕರಣಗಳು ಮತ್ತೆ ಗಮನಾರ್ಹವಾಗಿ ಏರಿದರೆ, ವಿದ್ವಾಂಸರು ಮತ್ತೆ ಉಪಕ್ರಮಕ್ಕೆ ಮುಂದಾಗಬಹುದು ಎಂದು ಹುಸೈನ್ ಹೇಳಿದರು.
ಜಿ-ನಾರ್ತ್ ವಾರ್ಡ್‌ನ ಸಹಾಯಕ ಆಯುಕ್ತ ಕಿರಣ್ ದಿಘವ್ಕರ್‌ರವರು ಕೋವಿಡ್-19 ವಿರುದ್ಧ ಹೋರಾಡುವಲ್ಲಿ ಮೌಲ್ವಿಗಳು ಮತ್ತು ಮೌಲಾನರು ನಿರ್ಣಾಯಕ ಪಾತ್ರ ವಹಿಸಿದ್ದಾರೆಂದು ಒಪ್ಪಿಕೊಂಡರು. ‘ಸ್ವಚ್ಛ ಭಾರತ್ ಅಭಿಯಾನ’ದ ಸಮಯದಲ್ಲಿ ಅವರು ಇದೇ ರೀತಿ ಸಹಾಯ ಮಾಡಿದ್ದರು. “ಮೌಲ್ವಿಗಳು ಹೇಳುವುದನ್ನು ಕೊನೆಯ ಪದವೆಂದು ಪರಿಗಣಿಸಲಾಗುತ್ತದೆ ಮತ್ತು ನಿರ್ದೇಶನವಾಗಿ ತೆಗೆದುಕೊಳ್ಳಲಾಗುತ್ತದೆ. ಧಾರವಿಯಂತಹ ಕೊಳೆಗೇರಿಯಲ್ಲಿ, ಸಾಮಾಜಿಕ ಅಂತರ ಕಾಪಾಡಿಕೊಳ್ಳಲು ಸಾಧ್ಯವಾಗದಿದ್ದಾಗ, ಸುರಕ್ಷತಾ ಪ್ರೋಟೋಕಾಲ್‌ಗಳನ್ನು ಅನುಸರಿಸುವ ಕುರಿತು ಜನರಿಗೆ ಅವರು ನೀಡಿದ ಸಂದೇಶವು ಸಾಂಕ್ರಾಮಿಕ ರೋಗವನ್ನು ತಡೆಯಲು ನಮಗೆ ಸಹಾಯ ಮಾಡಿತು” ಎಂದು ಅವರು ನುಡಿದರು.
